नववर्ष
बलाकमाला वर्षांची ही
। उडत राहते सदा
काळरूप ह्या नभात लवलव
। विहरत जाते सदा
सरत्या वर्षांची ह्या
उमटे । सुदीर्घ रेखा नभी
येणार्या वर्षांची जुळते
। लेखा त्यासी दुजी
एकचि क्षण तो वर्तमान
हा । सांधे लेखा दोन
गतीमान हे नव संवत्सर
। बांधे भूत भविष्य
भूत भविष्याच्या दो पाखा
। सद्य क्षणचि नेता
उडत चालला थवा मनोहर
। बलाक-माले-समा
कुठून आली, कुठे चालली । कळे न
कोणा कधी
वर्तमान हा कुठे चालला
। दिशा घेत कोणती
अज्ञाताचे लक्ष्य भेदण्या
। शर जातसे कोठे
माहित नाही कोणासी त्या
। नाव धनुर्धराचे
परि उत्साहित होती सारे
। पाहुन त्याची गती
नयनरम्य ती बलाकमाला
। हर्षित करिते मनी
---------------------------------------
लेखणी अरुंधतीची –
No comments:
Post a Comment