वार्‍याची छत्री

 

वार्‍याची छत्री

( मात्रा - 8;8  8;4 )

वार्‍या वार्‍या कुठे चालला

घेऊन मोठी छत्री

काळ्या काळ्या मेघांची ही

झाकोळेच धरित्री --- 1

 

नभाएवढी गोल गोल ही

फिरवित फिरवित जासी

काळवेळ ना तुलाच काही

दिवस तुला ना रात्री --- 2

 

पर्वतमाथ्यावरी घेतसे

छत्रीसवे भरारी

महा खोडकर वात्रट भारी

उतरून जासी दरी --- 3

 

गोल गोल फिरविताच छत्री

उडून पडे कुठेही

पडता खाली मेघ रडूनी

वाहू लागे पाणी --- 4

मेघांच्या त्या छत्रीची ही

पाहुन दैना ऐशी

नभी हसे तो भास्कर गाली

खुदकन हसे धरित्री --- 5

------------------------

#लेखणीअरुंधतीची-