मॅडम नॉट नाऊ

 

मॅडम नॉट नाऊ

इथ्थे इथ्थे उभी होते  । हातात माझ्या खाऊ

बघता बघता घेऊन गेला । झाडावरचा काऊ

 

इथ्थे इथ्थे उभी होते  । गॅसपाशी पाहू

बघता बघता पातेल्यातून  । दूध लागलं वाहू

 

आत्ता आत्ता केस माझे  । होते दाट मऊ

कानी माझ्या कुजबुजले ते । वय लागलं होऊ

 

दातांनाही आवडत होते । गुडदाणी अन लाडू

डेंटिस्ट म्हणे आता नको, खा सूप लापशी मऊ

 

आत्ता आत्ता पाय माझे  । म्हणत होते धाऊ

खूप झालं डॉक्टर म्हणे । ``मॅडम नॉट नाऊ''

 

 

आत्ता आत्ता समोर होते  । बाबा आई भाऊ

हसत काळ विचारे कोठे । गेले सांग पाहू?

 

----------------------------------------------------------------

#लेखणीअरुंधतीची-