सेल्फी
वीसाव्याही
मजल्यावर आज
दिसली काळी मुंगी
चालत
होती करून वर तिची इवल्लिशी ढुंगी
कुठुन
आली कशी आली हद्द तिने
केली
फुलांच्या
पत्त्यावर गुगलशिवायच पोचली
लिफ्टमधे
चढेल कशी का
पायर्‍या चढून आली?
शे दोनशे
पायर्‍या चढून कशी
नाही दमली?
लिफ्टमधे
चढेल कशी ? का पायर्‍या चढून आली?
शे दोनशे
पायर्‍या चढून कशी नाही दमली?
दम नाही,
धाप नाही तहानही नाही का लागली?
जिना
इतका चढतांना कुठे असेल बसली?
बेलही न
वाजवता थेट बाल्कनीत पोचली
फुलणार्‍या
फुलांसंगे हसू खेळू
लागली
परागांवर
लोळून तिने केली दंगामस्ती
आनंदाने
डोलू लागली फुले
वार्‍यावरती
घेत
उचलून बोटावर तिला म्हटलं घेऊ या का सेल्फी!
नक्को म्हणे तुझ्यासोबत मी फुलासोबत घेतली!
#लेखणीअरुंधतीची-
No comments:
Post a Comment